Hujjatni oluvchi qanday aks ettirilishi kerak?

0
510
marta koʻrilgan.

Savol:

Biror tashkilotga murojaat qilinganda yoki javob xati yozishda hujjatni oluvchi qanday rasmiylashtirilishi kerak? Masalan:

Davlat soliq qoʻmitasi

yoki

Davlat soliq qoʻmitasiga

Qay birini qoʻllagan afzal?

 

Javob:

Hujjatni oluvchi tashkilot yoki mansabdor shaxs nomi xatning oʻng burchagi yuqori qismiga yoziladi. Hujjat tashkilot, uning boʻlinmasi yoki aniq mansabdor shaxsga yoʻnaltiriladi. Bunda tashkilot nomi, tarkibiy boʻlinma va mansabdor shaxs lavozimi bosh kelishikda, familiyasi esa joʻnalish kelishigida koʻrsatiladi. Mansabdor shaxs koʻrsatilmay, faqat tashkilot yoki boʻlinma nomi berilganda esa joʻnalish kelishigi qoʻshimchasi nomdagi oxirgi soʻzga qoʻshiladi:

Masalan:

 

Oʻzbekiston Respublikasi

Xalq taʼlimi vazirligiga

 

Oʻzbekiston Respublikasi

Xalq taʼlimi vazirligi

Taʼlim sifati monitoringi boshqarmasiga

 

Respublika taʼlim markazi

direktori Sh. Sattorovga

 

Hujjat jismoniy shaxsga joʻnatilayotganda oldin pochta manzili, keyin ismi va otaismining bosh harflari va familiyasi yoziladi. Ism va otaismni toʻliq yozish ham mumkin.

 

👉 Manzil qanday yoziladi: birinchi maqola, ikkinchi maqola, uchinchi maqola.

 

Orif Tolib

MULOHAZA BILDIRISH

Mulohaza kiritilmadi!
Ismi sharifingizni kiriting.