Ammo, lekin, biroq va vergul

0
1085
marta koʻrilgan.

Ammo, lekin, biroq, balki soʻzlari zidlov bogʻlovchilaridir. Ular mazmunan bir-biriga qarama-qarshi qoʻyilgan boʻlaklarni yoki gaplarni bogʻlash uchun xizmat qiladi. Bu bogʻlovchilar bilan vergul ishlatishda koʻp xato qilinadi. Aslida qoidasi ancha oson.

Ammo, lekin, biroq soʻzlari gap ichida kelganda ulardan oldin vergul qoʻyiladi. Gap boshida yoki ichida kelishidan qatʼi nazar, bu soʻzlar oʻzidan keyin vergul talab qilmaydi:

 

Bu juda qiyin ish, ammo bajaramiz.

Mayli, siz yashirdingiz. Ammo man yashirmayman.

Oybek, Tanlangan asarlar.

 

Uy kichkina, lekin yorugʻ.

Bu – qiyin masala. Lekin hal qilishga urinib koʻramiz.

 

Havo bulut boʻldi, biroq yomgʻir yogʻmadi.

Bu haqda koʻp oʻyladi. Biroq bir toʻxtamga kela olmadi.

 

Ammo va lekin soʻzlari juft holda yuklamaga aylanadi va fikrni alohida taʼkidlash uchun xizmat qiladi. Bunda odatda gap boshida keladi va ulardan soʻng vergul qoʻyilmaydi:

 

Ammo-lekin bopladingiz.

Ammo-lekin Esh qattiq ishladi.

S. Ahmad, Ufq.

 

Ammo va lekin aslan arabcha, biroq esa sof turkiycha-oʻzbekchadir.

 

Orif Tolib

MULOHAZA BILDIRISH

Mulohaza kiritilmadi!
Ismi sharifingizni kiriting.