Igrekmi yoki igrik?

0
219
marta koʻrilgan.

Izohli lugʻat igrek soʻzini shunday sharhlagan:

 

1️⃣ Lotin alifbosida oxirgi harfdan oldingi “Y” harfining nomi.

2️⃣ Matematikada: shu harf bilan ifodalangan nomaʼlum (qidirilayotgan) miqdor.

 

Biroq harf sifatida uni igrek deb atash kam uchraydi. Asosan matematik belgi boʻlib kelganda, nomaʼlum oʻzgaruvchini anglatganda igrek deb oʻqiladi.

Bu belgini koʻpincha igrik yoki egrik deb yanglish ifodalash koʻp uchraydi. Nega aynan igrek toʻgʻri?

Bu soʻz fransuzcha, u nemis tili orqali ruschaga, undan oʻzbekchaga oʻtgan. Fransuz tilida i tovushi ikki xil harf bilan – i va y bilan ifodalanadi. Ikkinchi harf xorijiy tildan kirgan, asosan asli grekcha boʻlgan soʻzlarda, yunon alifbosidagi ipsilon harfi oʻrnida ishlatiladi. Shu bois unga i grec, yaʼni grekcha i deb nom berilgan.

Ispanlar ham bu harfni shunga yaqinroq nomlagan – i griega. Lekin inglizchada u uay (waɪ) deb ataladi.

 

📌 Demak:

Igrek

Igrik, egrik ❌

 

Orif Tolib

MULOHAZA BILDIRISH

Mulohaza kiritilmadi!
Ismi sharifingizni kiriting.