“Putur ketmoq”: putur nima?

0
776
marta koʻrilgan.

Putur soʻzi futurning soʻzlashuv tilidagi shaklidir. Futur arabchadan kirgan, asliyatda boʻshashish, ojizlanish; holsizlik maʼnolarini bildiradi. Oʻzbek tilida esa ziyon, shikast maʼnolarida ishlatiladi.

Putur yetmoq (futur yetmoq) – zarar yetmoq.

Putur ketmoq (futur ketmoq) – kuchsizlashib qolmoq, avvalgi mavqeini yoʻqotmoq.

Fayz-futur ketmoq iborasi ham futur ketmoqqa maʼnodosh.

 

U bir oz toʻlishibdi. Lekin bundan husniga zarracha putur yetmabdi.

“Yoshlik”.

 

U zamonlarda hunardan futur ketgan edi, – dedi Yoʻldoshev. “Sharq yulduzi”.

 

Soʻngra sotib yeyishdan boshqani bilmagan boyvachchaning shu vaqtlarda ancha futuri ketgan edi.

Oybek, Tanlangan asarlar.

 

Navoiy ketdi – Hirotdan fayz-futur ketdi.

Oybek, Navoiy.

 

📖 Izohli lugʻat asosida tayyorlandi.

MULOHAZA BILDIRISH

Mulohaza kiritilmadi!
Ismi sharifingizni kiriting.