Kelinlik uy va kelinli uy

0
686
marta koʻrilgan.

-li va -lik qoʻshimchalarini yanglish qoʻllash koʻp uchraydi. Toʻgʻri, bir paytlar -lik qoʻshimchasi -li oʻrnida ishlatilgan. Yuz yil oldin ham bu holat kuzatilgan. Lekin til rivojlanishda, bugun ikki qoʻshimcha farqlanadi va boshqa-boshqa maʼnolarni ifoda etadi.

Xoʻsh, kelinlik uy degan toʻgʻrimi yoki kelinli uy?

Ikkalasi ham toʻgʻri. Lekin maʼnolari farqlanadi.

Kelinlik uy – qiz kelin boʻlib tushgan uy:

 

Bu – mening kelinlik uyim.

 

Kelinlik uyim bir uy, bir dahlizdan iborat edi.

 

Kelinli uy esa kelini bor uy.

 

Kelinli uy saranjom-sarishta boʻladi.

 

Mahallamizda  kelinli uylar koʻp.

 

Dastlabki ikkita jumlada kelinli uy iborasini qoʻllash xato boʻlgani kabi oxirgi ikki jumlada kelinlik uy birikmasini ishlatish xatodir.

 

Orif Tolib

MULOHAZA BILDIRISH

Mulohaza kiritilmadi!
Ismi sharifingizni kiriting.