Kuzgi bogʻ

0
1111
marta koʻrilgan.

Diydalari qotgan eski jarrohday

Yaproqlarni hissiz uzib tashlar kuz.

Shamol qaylardadir chaladi surnay,

Dunyo nelardandir chekadi afsus.

 

Borliq jim qaraydi bu ajib holga,

Daraxtlar qochgani topolmas imkon.

Meni esa tinmay tutar savolga

Yaproqlar yuzida qotib qolgan qon.

 

Orif Tolib

 

2011

MULOHAZA BILDIRISH

Mulohaza kiritilmadi!
Ismi sharifingizni kiriting.