Ona koʻngli

0
1850
marta koʻrilgan.

Oʻgʻli oʻgʻri, kazzob boʻlsa ham

Ona koʻngli umidga toʻlar:

Hali odam boʻladi bolam,

Hamma havas qilgulik boʻlar.

 

Tong saharmi yoki vaqti shom

Chin yurakdan qilar duolar.

Balki shundan – balo boʻlsa ham

Bolasiga urmas balolar.

 

Ona kutar, intizor kutar,

Vaqt imillar, sovib qolar choy.

Goʻyo undan hol soʻrab oʻtar

Koʻngil kabi yarimlagan oy.

 

Ona kutar, umidi oʻlmas,

Koʻzlariga singar nolasi.

Endi qaytib kelmaydi, bilmas,

Yoʻl yoʻqotgan goʻdak bolasi.

 

Orif Tolib

 

2010

MULOHAZA BILDIRISH

Mulohaza kiritilmadi!
Ismi sharifingizni kiriting.