Tilak

0
1907
marta koʻrilgan.

Oʻziday mard boʻlar yigitning soʻzi –

Jonu jigariga tutash ildizi.

Iloyim, yerlarga boqmasin koʻzi –

Boshi baland boʻlsin, soʻzi sinmasin.

 

Har kim yashab oʻtsin oʻzidan rozi,

Ishonch bilan, dadil chiqsin ovozi.

Qishga aylanmasin bahori, yozi,

Yuragiga qaygʻu-alam inmasin.

 

Chin baxt nasib etar koʻngli sogʻlarga,

Kutganlar sogʻ yetsin koʻklam chogʻlarga,

Jonon havoli bu goʻzal bogʻlarga

Ichu tashi qora zogʻlar qoʻnmasin.

 

Duoga ochaylik, keling, qoʻlimiz,

Tangri rost aylasin tutgan yoʻlimiz.

Shundan ravshan tortib doim dilimiz –

Yuraklarda ezgu tilak soʻnmasin!

 

Orif Tolib

 

2012 yil, may

MULOHAZA BILDIRISH

Mulohaza kiritilmadi!
Ismi sharifingizni kiriting.