Ахлоқ ва ҳаёт бир бутундир

0
90
марта кўрилган.

Томас Манн ҳикматларидан

 

Атоқли олмон адиби ва публицисти, адабиёт йўналишида Нобель мукофоти совриндори. 1901 йили илк романи “Будденброклар” босилиб чиқади ва унга катта шуҳрат келтиради. Айнан шу асари учун ёзувчи 1929 йили Нобель мукофоти билан тақдирланади.

“Қирол оиласи аъзоси”, “Иосиф ва унинг оғалари”, “Лотта Веймарда”, “Доктор Фаустус”, “Сеҳрли тоғлар” каби романлари, бир қатор қисса ва ҳикоялари бор.

 

  • Агар бирор фикр бутун вужудингни қамраб олган бўлса, у сени ҳар қадамда таъқиб этади, ҳатто ҳавода ҳам унинг ҳидини сезасан.
  • Азоб-уқубат кўрмаган одам бир умр ёш бола бўлиб қолаверади.
  • Ахлоқ ва ҳаёт бир бутундир. Ахлоқ ҳаёт тиргаги, ахлоқли одам ҳаётнинг чинакам фуқаросидир.
  • Ахлоқ, шубҳасиз, ҳаётда энг муҳимидир.
  • Барча истак ва ҳаракатларимиз асабларимизнинг эҳтиёжлари сабаб дунёга келади. Бу эҳтиёжларни сўз билан таърифлаш қийин.
  • Бахт ва муваффақият – ўзимизда, ичимиздадир.
  • Баъзи одамлар билан яшаш қийин, лекин уларни ташлаб кетиш ҳам осон бўлмайди.
  • Бизнинг қўрқувимиз – душманларимиз мардлигининг манбасидир.
  • Вақт ундан фойдаланиб ақллироқ, яхшироқ, пишиқроқ ва мукаммалроқ бўлишимиз учун берилган қимматбаҳо совғадир.
  • Вақтни қўлингда тут! Ҳар бир соат, ҳар бир дақиқани асра. Назорат қилмасанг, калтакесакдай сирғалиб қочиб кетади. Ҳар бир лаҳзани ҳалол ва муносиб амаллар билан беза! Вақтга салмоқ, мазмун ва нур бағишла.
  • Қўполлик сизни истаган одам билан бир жойга қўяди; фақат адабгина масофа ҳосил қила олади.
  • Мукаммаллик катта қувонч олиб келади.
  • Мутлақо бегона одамларнинг бир-бирига “сен” деб мурожаат қилиши ёввойилик, қолоқлик, одобсизлик белгисидир. Мен буни жинимдан баттар ёмон кўраман. Чунки бу, моҳиятига кўра, цивилизацияга ва инсоният тараққиётига сурбетларча, виждонсизларча қарши йўналтирилгандир.
  • Наҳотки мен ҳаётни, бу тоза, шафқатсиз ва қудратли ҳаётни ёмон кўрган бўлсам? Бекор гап. Тушунмовчилик бу. Мен уни енга олмаганим учун ўзимни ёмон кўрганман, холос.
  • Нуқсонни ёқлаш билан фазилатлар ҳақорат қилинади.
  • Оилада ҳамма бир-бирини ҳимоя қилиши керак, акс ҳолда кўргуликлар эшик қоқиб келади.
  • Орзулар ушалганда энг яхши нарсалар ортда қолади.
  • Санъат инсоннинг эзгуликка, ҳақиқатга, комилликка ғайриихтиёрий ва азалий интилишининг энг гўзал, энг қатъий, энг қувончли ва эзгу тимсолидир.
  • Уруш – тинчлик давридаги муаммолардан қўрқоқларча қочишдир.
  • Фақат ўлимгина азоб-уқубатларни ҳурматлашга ўргата олади.
  • Хунук ҳолатларни ҳам ўз фойдасига уялмай ўзгартира олиш яшовчанлик қобилиятиди белгисидир.
  • Ҳаётдан кўра ногигиеник нарса йўқ.
  • Шоир ижодий тўқималари сабаб эмас, илоҳий иқтидор туфайли дунёга келади.

 

 

Ориф Толиб таржимаси

 

“Ёшлик” журналининг 2017 йил 3-сонида чоп этилган.

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.