Икки нуқтаи назар

0
1
марта кўрилган.

Бир машҳур пойабзал фирмаси маҳсулотларини иссиқ иқлимли ўлкалардан бирига сотиш бўйича лойиҳа қабул қилди. Икки ходим бозорни ўрганиш учун ушбу мамлакатга жўнади. Улар алоҳида ҳолда вилоятларга йўл олди. Маҳаллий бозор ва истиқболдаги харид имкониятини ўргана бошлашди.

Бир неча кун ўтди ва таҳлилчилардан бири қайтиб келди:

– У ерда ҳеч ким пойабзал киймас экан. Бу бозорни эгаллайман деб беҳуда вақт сарфламаслик керак!

Иккинчи таҳлилчи ҳалиям вилоятларни кезиб юрар, шеригининг хулосасидан бехабар эди. Бироз вақт ўтиб фирмага ундан факс келди:

– Дўстлар! Мўлжалдаги экпорт ҳажмини уч баробарга кўпайтириш керак. Бу жойларда ҳали ҳеч ким оёқкийим киймас экан!

Бир вазият кимгадир енгиб бўлмас тўсиқ бўлиб кўринса, кимгадир беқиёс имкониятлар эшиги вазифасини ўтайди. Ҳаётда имконларни илғаб, улардан фойдалана олганларгина ютади.

 

Ориф Толиб

 

“Ёшлик” журналининг 2017 йил 5-сонида чоп этилган.

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.