Portugal xalq maqollari va matallaridan

0
152
marta ko‘rilgan.

Portugallar – Pireney yarimorolining g‘arbida yashovchi, Portugaliyaning tubjoy xalqi. Umumiy nufusi 31,2 milliondan ortiqroq. Asosiy qismi portugal tilida, bir qismi miranda tilida so‘zlashadi.

 

  1. Ayrimlar ehson qilsa-da boyiydi, ba’zilar o‘g‘irlasa-da kambag‘allashadi.
  2. Bilim joy egallamaydi.
  3. Butunicha yutilgan luqma – boy berilgan ta’m.
  4. Bo‘sh kalla – shaytonning ishxonasi.
  5. G‘iybat ko‘mirga o‘xshaydi, kuydirmasa, qorasi tegadi.
  6. Dangasa hamisha yo‘qchilikda yashaydi.
  7. Ijaraga olingan ot charchamaydi.
  8. Kambag‘allikda o‘zingni yerga urma, boyib ketsang – mag‘rurlanma.
  9. Katta hamdardlikdan kichkina yordam yaxshi.
  10. Muhabbat oyga o‘xshaydi – kattalashmasa, kichrayadi.
  11. Nonsiz uyda hamma javraydi, lekin hech kim haq bo‘lmaydi.
  12. Odamlar yashagani uchun emas, yashamagani uchun tez qariydilar.
  13. Oqib ketgan suvlar tegirmonni aylantirmaydi.
  14. Pul bor uyda faqat bitta g‘aznachi bo‘lishi kerak.
  15. Tinch suvda yaxshi dengizchilar tarbiyalanmaydi.
  16. To‘g‘rilik – boshqalarda bo‘lishi istaladigan fazilatdir.
  17. To‘q qorin ilm izlamaydi.
  18. Uylangan uyli bo‘lishni istaydi.
  19. Hikoya so‘zlovchi o‘zidan bitta nuqta bo‘lsa-da qo‘shadi.
  20. Cho‘loqni tutishdan yolg‘onchini tutish osonroq.
  21. Yaxshi shogird ustozi yo‘qligida bilinadi.

 

Orif Tolib tarjimasi

MULOHAZA BILDIRISH

Mulohaza kiritilmadi!
Ismi sharifingizni kiriting.