Ta’lim berish – umid urug‘ini ekish demakdir

0
830
marta ko‘rilgan.

Lui Aragon hikmatlaridan

 

  • Agar ko‘ksimni tilsangiz, u yerdan Parijni topasiz.
  • Adabiyot mamlakat uchun juda muhimdir, mohiyatiga ko‘ra, uning yuzi deyish mumkin.
  • Ajoyib kechalarning birida kelajak o‘tmish deb nom oladi. Bu payt ortingga qaraysanda, olislayotgan yoshligingni ko‘rasan.
  • Ba’zida g‘olib bo‘lish uchun chekinishga, qo‘lga kiritganingdan voz kechishga to‘g‘ri keladi.
  • Biz ko‘pincha yo‘q joydan muammolar o‘ylab topamiz.
  • Davrimizning ziyonati yorqin shoirlardir. Angliyada – Kipling, Fransiyada Apolliner va Elyuar, Germaniyada Rilke, Rossiyada – Mayakovskiy va Yesenin, Armanistonda – Charens va Isaakyan. Bu mayoqlar bir-bir so‘nganda go‘yo dunyo zulmatga cho‘mganday bo‘ldi.
  • Dunyo yolg‘onchi guvohlarga to‘la.
  • Yoshlar orzu qiladi. Qarilar eslaydi.
  • Quyosh hamisha ishqibozlarining ko‘zini qamashtirgan.
  • Men bu kitobni ikkita bir-biriga o‘xshamaydigan davrni qiyoslab bo‘lmasligini ko‘rsatish uchun yozdim. O‘tmishni bugungi kundan kelib muhokama qilish yoki izohlashdan ko‘ra johilona ish yo‘q.
  • Odam nimadan hayratlansa, o‘shani ko‘ngliga yaqin oladi.
  • Odamlar ko‘pincha o‘zlarining vaqtinchalik baxtsizliklarini dunyodagi eng muhim narsa deb hisoblaydilar.
  • Optimizm buyuk kishilarning ziynatidir.
  • Rashk bu – jon joyingga to‘xtov bilmay sanchilayotgan ignadir.
  • Tanqid muddatsiz surgundir.
  • Ta’lim berish – umid urug‘ini ekish demakdir.
  • To‘g‘rilik ko‘pincha muhokama qilinmaydi.
  • Faqat mehnatgina insonning qiyofasini o‘zgartira oladi.
  • Hayotda hech bir narsa biz tasavvur qilgandek bo‘lmaydi.

 

Rus tilidan Orif Tolib tarjimasi

 

“Yoshlik” jurnalining 2017 yil 10-sonida chop etilgan.

MULOHAZA BILDIRISH

Mulohaza kiritilmadi!
Ismi sharifingizni kiriting.