Toʻgʻrilik har qanday unvonni bezaydi

0
2473
marta koʻrilgan.

Fridrix Shiller hikmatlaridan

 

  1. Buyuk qalblar iztiroblarini sukut bilan oʻtkazadilar.
  2. Zulmni murosasiz yomon koʻradigan kishigina ezgulikni cheksiz sevishi mumkin.
  3. Iroda inson bolasining oʻziga xos sifatidir, aql esa irodani boshqarish uchun oʻzgarmas qoidadir.
  4. Ishni tezroq tugallash harakatida boʻl.
  5. Ishni yarim yoʻlda tashlab, chetga chiqib oladigan va endi bu yogʻi nima boʻlar ekan, deb ogʻzini ochib qarab turadigan odam haqiqiy ahmoqdir.
  6. Ishongan odam boshqalarni ham oson ishontiradi.
  7. Yoʻqotilgan daqiqani hatto abadiyat ham qaytara olmaydi.
  8. Koʻpchilikning ovozi adolatning mezoni boʻla olmaydi.
  9. Mardonalik instinktga qarshi kurash ifodasidir.
  10. Minnatdorlik eng tez unutiladigan narsadir.
  11. Nomus hayotdan azizroq.
  12. Odam maqsadlari kattaygani sari ulgʻayib boradi.
  13. Ota-onalar oʻzlarining nuqsonlarini bolalarida koʻrganlarida koʻproq jahllanadilar.
  14. Rasmga mahliyo boʻlib, uni chizgan kishini butunlay unutib qoʻyganimiz, aslida, rassomga eng katta maqtovdir.
  15. Tabiatga qarshi boʻlgan narsa hech qachon yaxshilikka olib bormaydi.
  16. Toʻgʻrilik har qanday unvonni bezaydi.
  17. Oʻz topqirligidan zavqlanib kulgan kishining askiyasi kuchini yoʻqotadi.
  18. Oʻzini boshqara oladigan odamgina erkindir.
  19. Faqat qatʼiyatgina maqsadga eltadi.
  20. Har qanday gʻalabadan ustun narsa kechirimdir.
  21. Sheʼriy asar oʻzini oʻzi himoyalashi kerak. Harakat gapirmaydigan joyda soʻz foyda berishi dargumon.
  22. Yaramas ishlarning oxiri voy: ular yangi-yangi qabihliklarni keltirib chiqaradi.
  23. Yaxshi aktyorlar uchun yomon rol yoʻq.

 

Orif Tolib tarjimasi

 

“Yoshlik” jurnalining 2017 yil 4-sonida chop etilgan.

MULOHAZA BILDIRISH

Mulohaza kiritilmadi!
Ismi sharifingizni kiriting.