Toʻrtliklar

0
362
marta koʻrilgan.

Rasul Hamzatov

 

***

“Qushlar, nega jimsiz ayni tong-sahar?”

“Yomgʻir yogʻishini tinglayotirmiz”.

“Shoirlar, siz nega jimsiz bu qadar?”

“Yomgʻir yogʻishini tinglayotirmiz”.

 

 

***

Lochinni shikorga shaylashar bunday:

Uch kun na don yegay va na suv ichgay.

Hokimiyatga tashna kaslar ham shunday:

Oʻlguday och boʻlar, oʻlguday mechkay.

 

 

***

Goho shunday: avar tilini chetda

Na birov tushunar va na tinglaydi.

Tilga, dilga tugun tushgan bir paytda

Meni faqat yolgʻiz Alloh anglaydi.

 

 

***

Qamoqda boʻlmadim, lek Kremlda

Kattakonlar bilan oʻtirdim birga.

Yarim umrim oʻtdi goʻyo uyquda,

Sochga oq, dilga dogʻ tushdi behuda.

 

 

Rus tilidan
Orif Tolib
tarjimasi

 

👉 Ruschasini oʻqish

MULOHAZA BILDIRISH

Mulohaza kiritilmadi!
Ismi sharifingizni kiriting.