Turnalar

0
1079
marta koʻrilgan.

Rasul Hamzatov

 

Xayolimga keladi goho:

Jangda oʻlgan askarlar tuproq

Qatlariga singmagan aslo,

Turnalarga aylangan – oppoq.

 

Oʻsha olis yillardan beri

Tinmay uchar va yoʻllagay sas.

Balki shundan koʻkka termilib,

Gʻamga botib yutarmiz nafas.

 

Oqshom koʻrdim: tuman oralab

Ketar edi turna galasi.

Askarlarday borardi saf-saf,

Osmon goʻyo – urush dalasi.

 

Ular uchar, yoʻllari olis,

Kimlarnidir chorlab oʻtadi.

Nimagadir turna ovozi

Avarchaga oʻxshab ketadi.

 

Uchar, uchar bu horgʻin qoʻshin

Tuman ora tunga roʻbaroʻ.

Saf ichida boʻshdir bir oʻrin,

Balki menga atalgandir u.

 

Kun keladi, turnalar bilan

Tumanlarda suzarman men ham.

Osmonlarda qushlarday nolon

Chaqiraman doʻstlarni u dam.

 

Rus tilidan
Orif Tolib
tarjimasi

 

Ruscha tarjimani oʻqish

MULOHAZA BILDIRISH

Mulohaza kiritilmadi!
Ismi sharifingizni kiriting.