Яхши гапларни кўпчилик гапириши мумкин…

0
113
марта кўрилган.

Рабиндранатҳ Тҳакур ҳикматларидан

 

  • Агар сен барча иштибоҳларга эшигингни беркитсанг, ҳақиқат ҳам ташқарида қолади.
  • Бахт ўзини тия оладиган одамларга насиб этади. Орзуларинг амалга ошишини истасанг, уларни тийиб тура бил.
  • Биз одамни нимани билишига қараб эмас, нимадан қувонишига қараб англаймиз.
  • Виждонимизнинг овозини эшитмаслик учун шовқинли оломон ичига ўзимизни урамиз.
  • Изтироб ҳаётдаги барча қадрли нарсалар: куч-қувват, ақл-фаросат, муҳаббат учун тўловдир.
  • Кучини кўрсатаверадиган одам кучсизлигини исботлайди, холос.
  • Қуриган дарёга ўтмиши сабаб раҳмат айтмайдилар.
  • Мақтов мени пастга уради, чунки уни ичимда ўзим сўраб тураман.
  • Маст ўзини қанчалик бахтиёр ҳис этмасин, у ҳақиқий бахтдан жуда узоқ. Чунки унинг бу бахти бошқалар учун кўргилик; бугунги бахти эртанги бахтсизлигидир.
  • Муҳаббатнинг ҳақиқий гўзаллигини фақат садоқатли аёлгина ҳис қилади.
  • Одам ҳайвонга айланганда ҳайвондан ёмондир.
  • Пессимизм қалб алкоголизмининг бир кўринишидир.
  • Роҳат-фароғатларга кўмилиб, лаззат ҳиссидан мосуво бўламиз.
  • Руҳингни туширма, ниятингдан қайтма. Дўстим, сенинг йўлинг битта: ўзингни такомиллаштир ва бегонага хизмат қилма. Муҳокамалару тўсиқлардан чўчима.
  • Ҳамма ҳақиқатни айтишга чоғланмаган пайтингда самимий бўлиш осон.
  • Ҳатто қароқчилар тўдаси ҳам қандайдир ахлоқ талабларига риоя этишлари керак; улар бутун дунёни талашлари мумкин, лекин бир-бирларини эмас.
  • Чексиз умид ва иштиёқ ёшликнинг асосий бойлигидир.
  • Шунчаки қараб ёки туриб денгизни кесиб ўта олмайсиз. Беҳуда истакларга вақтингизни сарфламанг.
  • Эр-хотинлик – санъат ва уни ҳар куни янгилаб туриш керак.
  • Юлдузлар ўзларини тиллақўнғиз деб ўйлашларидан қўрқмайди.
  • Яхши гапларни кўпчилик гапириши мумкин, лекин тинглай оладиганлар кам, сабаби у ақлнинг кучини талаб этади.

 

Ориф Толиб таржимаси

 

“Ёшлик” журналининг 2017 йил 5-сонида чоп этилган.

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.