Френсис Скотт Фицжералд суйган китоблар

0
104
марта кўрилган.

Френсис Скотт Фицжералд (1896-1940) Америка адабиётининг мумтоз вакилларидан биридир. “Буюк Гэтсби”, “Майин тун”, “Жаннатнинг нариги томонида” романлари бор.

Унинг энг машҳур асари “Буюк Гэтсби” ёзувчи ҳаётлик пайтида у қадар довруқ қозонмайди. Бор-йўғи 24 000 ададда сотилади, холос. Роман эллигинчи йилларга келибгина оммалашади. Ушбу асар сўнгги ўн йилликда жуда кўп инглизтилли мамлакатларда ўрта мактаблар ва олий ўқув юртларида ўқилиши шарт бўлган китоблар рўйхатига киритилган.

Ёзувчи Шимолий Каролинадаги меҳмонхоналардан бирида яшаётганда ҳамшира Дороти Ричардсон билан дўстлашиб қолади. Адабиётган қизиқадиган киши ўқиши шарт деб ҳисоблаган китоблари рўйхатини тузиб, ҳамширага беради. Қуйида ана шу асарларнинг айримлари билан танишишингиз мумкин.

 

  1. Теодор Драйзер, “Керри опа” романи.
  2. Ҳенрик Ибсен, “Қўғирчоқ уйи” пьесаси.
  3. Шервуд Андерсон, “Уайнсбург, Оҳайо” ҳикоялар тўплами.
  4. Арнольд Беннет, “Кампирлар қиссаси” романи.
  5. Дешил Ҳеммет, “Мальта лочини” романи.
  6. Стендаль, “Қизил ва қора”.
  7. Ги де Мопассан ҳикоялари.
  8. Гарднер Мёрфи таҳририда нашр этилган психопатология ҳақидаги очерклар.
  9. Антон Чехов ҳикоялари.
  10. Александ Жессап таҳририда нашр этилган “Американинг энг яхши юмористик ҳикоялари” тўплами.
  11. Жозеф Конрад, “Ғалаба” романи.
  12. Оскар Уайлд пьесалари.
  13. Уильям Фолкнер, “Ибодатхона” романи.
  14. Марсель Пруст, “Гул-гул яшнаган қизлар соясида” романи.
  15. Марсель Пруст, “Германтлар томонда” романи.
  16. Лев Толстой, “Уруш ва тинчлик”.
  17. Жон Китс шеърлари.

 

Ориф Толиб

тайёрлади.

 

 “Ёшлик” журналининг 2017 йил 5-сонида чоп этилган.

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.