Навоий яратган куйлар

0
31
марта кўрилган.

Хондамир “Хулосат ул-ахбор”да, Бобур “Бобурнома”да, Мутрибий “Нусхайи зебойи Жаҳонгир”да Алишер Навоий мусиқа илмининг билимдони бўлгани, теварагидагиларни ҳам соз илмини ўрганишга чорлагани, мусиқалар басталагани ҳақида айтилади. Бироқ бу асарларда Навоий айнан қандай мусиқаларни ижод этгани ҳақида аниқ маълумот йўқ.

Буюк шоирнинг куйларидан баъзилари ҳозиргача етиб келган, деган тахмин бор. Жумладан, Абдурауф Фитрат “Ўзбек классик мусиқаси ва унинг тарихи” китобида “Қари Наво” ёки “Қари Навоий” куйи ҳақида ёзади: “Бу куйнинг жуда эски бир куй экани ҳар томонда сўйланиб турур. Эшитганимизга кўра, Фарғонада ҳам “Қари Навоий” исмли эски бир куй бор. Тошкент мусиқачилари бу куйни “Қари Наво” дерлар. Бироқ бу исм янглишдир. Алар шул “Қари Навоий” исмини бузиб олғанлар. Бухоронинг эски мусиқашуносларининг орасида бу куй Навоий асари бўлғони сўйланадир. Мана шу маълумотлардан сўнг “Қари Навоий” куйининг Алишер Навоий асари бўлғани эҳтимоли кучланиб қоладир”.

Бу куй билан айтиладиган “Шода-шода марварид” қўшиғи жуда машҳур. Ўйноқи, шўхчан бу куй кейинчалик халқ қўшиғи учун ишлатилган бўлиши мумкин.

 

Ориф Толиб

тайёрлади.

 

“Ёшлик” журналининг 2017 йил 6-сонида чоп этилган.

МУЛОҲАЗА БИЛДИРИШ

Мулоҳаза киритилмади!
Исми шарифингизни киритинг.