Muhammad Yusuf. Hakamlarga toʻkib solib bor sirimizni…

0
2225
marta koʻrilgan.

Hakamlarga toʻkib solib bor sirimizni,

Ajralishdik, biz tushunib bir-birimizni…

 

Meni esa qiynar edi boʻlak gʻam,

Sanogʻi yoʻq tomoshabin ichra men,

Yaxshi-yomon, xolis-xudbin ichra men

Koʻrib qolgan edim oʻz oʻgʻlimni ham.

 

Yonib turar toychogʻimning koʻzlari,

U bilar haq kimdiru nohaq kim,

Kimniki rost, kimning yolgʻon soʻzlari,

Omon boʻlsa sudya boʻladi oʻgʻlim!

 

Omon boʻlsa odil hakam boʻlaru

Oʻzi bir kun sud hukmini toʻldirar.

Zal burchida esa bundan bexabar

Oq soch onam oʻltirar,

Oqlovchiga moʻltirar…

MULOHAZA BILDIRISH

Mulohaza kiritilmadi!
Ismi sharifingizni kiriting.