Marosim nomlari qanday yoziladi?

Imlo qoidalariga koʻra, marosim nomlari kichik harfda yoziladi. Agar ular qoʻshma ot boʻlsa, qoʻshib yoziladi: kiryuvdi, kelintushdi, qoryogʻdi.

❗️ Eʼtibor bering: marosim nomi bosh harfda emas, qoʻshtirnoqqa ham olinmagan.

Bu tartib boshqa marosim va udumlar nomiga ham tatbiq qilinadi:

 

Qadimda shox moylash, yomgʻir chaqirish, darveshona, choymomo, shamol chaqirish kabi marosimlar oʻtkazilgan.

 

Toʻy marosimlariga nonsindirar, yuzochar, charlar, kelinsalom, beshik toʻyi, sabzitoʻgʻrar, nahorgi osh misoldir.

 

Marosimda aytilgan qoʻshiq esa asar nomi sifatida bosh harfda va qoʻshtirnoqda beriladi:

 

Yomgʻir chaqirish marosimida “Sus xotin” qoʻshigʻi aytilgan.

 

@oriftolib