Tushunish
Imo-ishorada soʻylaydi sayyoh,
Shu shaklda javob qaytarar mezbon.
Garchi biror soʻzni anglolmas, ammo
Til topishib olar ikkisi oson.
Baʼzilar bor – umri umrmas, ogʻu,
Bir umr ezilar, armonda ketar.
Birga yashab, bitta tilda soʻzlar-u,
Bir-birining tilin tushunmay oʻtar.
Orif Tolib
2014
Muallif haqida
Orif Tolib – bir necha kitoblar, ilmiy, ilmiy-ommabop, adabiy-tahliliy va publitsistik maqolalar muallifi, muharrir, tilshunos. Daryo.uz nashri kolumnisti. “Ibrat farzandlari” loyihasining oʻzbek tilidan savodxonlik darslari ustozi. Oʻzbekiston yozuvchilar uyushmasi aʼzosi.
