Shubhasiz: vergul kerakmi yoki yoʻq?
Shubhasiz soʻzi bilan vergul ishlatishda koʻp xato qilinadi. Xoʻsh, oʻzi vergul kerakmi yoki yoʻq?
Agar shubhasiz modal soʻz boʻlib kelsa va kirish soʻz vazifasini bajarsa, vergul kerak. Bunda u muqarrar ravishda, albatta, soʻzsiz kabi maʼnolarni anglatadi:
Shubhasiz, u haq.
Men birinchi navbatda tarbiyani ulardan [ota-onamdan] olganman va ularning xislat va xususiyatlari, shubhasiz, menga taʼsir qilgan.
S. Ayniy, Esdaliklar.
Shubhasiz hech qanday shubha tugʻdirmaydigan; aniq degan maʼnoni anglatsa, vergul kerak emas:
Dangasalik qilgan odam yutqazishi shubhasiz. ➡️ Dangasalik qilgan odam yutqazishi aniq.
Muallif haqida
Orif Tolib – bir necha kitoblar, ilmiy, ilmiy-ommabop, adabiy-tahliliy va publitsistik maqolalar muallifi, muharrir, tilshunos. Daryo.uz nashri kolumnisti. “Ibrat farzandlari” loyihasining oʻzbek tilidan savodxonlik darslari ustozi. Oʻzbekiston yozuvchilar uyushmasi aʼzosi.
