“Bir baxyada boyidi” – xato gap

“Bir baxyada boyidi” – xato gap

 

Baxya soʻzi vaqt maʼnosini bildirmaydi. U masofani anglatadi. Shu sababli uni vaqt maʼnosida qoʻllash xato.

Misollar orqali oʻrganamiz:

 

Bir baxyada yetib keldi. ❌

Bir baxya kutganida, mashmashadan qutulardi. ❌

Bir baxyada boyidi. ❌

 

Yuqoridagi misollarda baxya soʻzi vaqt maʼnosida qoʻllanyapti. Shu sababli xato. Baxya soʻzi chokni bildiradi. Bir baxya iborasi esa kichkina, ozgina maʼnosini bildiradi va bunda masofa, uzunlik nazarda tutiladi:

 

Urilib ketishiga bir baxya qoldi. ✅

Bir baxya ham joy boʻsh qolmasin! ✅

Ishonchim yana bir baxya ortdi. ✅

 

Orif Tolib