Meni yigʻlatgan hikoya
Konstantin Paustovskiy asarlarini sevib mutolaa qilaman. Oldinroq uning “Tilla atirgul” kitobidan parcha tarjima qilgan edim.
“Telegramma” hikoyasini oʻtgan yili oʻqidim. Qattiq taʼsir qildi, koʻzimga yosh keldi. Oradan biroz vaqt oʻtib, oʻzbekchaga oʻgirdim. Tarjima jarayonida ham xuddi shunday ogʻriqli hislarni, mungni tuydim.
Ushbu hikoya ona haqida. Mehri, qadri, qalbi koʻpincha qadrlanmaydigan onaizor haqida. Turmush tashvishlariga koʻmilgan, oʻzi ham, yuragi ham yiroqlarga ketgan qiz va uning yoʻliga ilhaq-intizor ona qissasi oʻquvchini uygʻoqlikka chaqiradi. Gʻanimat dunyoda eʼtibor va mehrga kimlar koʻproq munosib ekanini eslatib oʻtadi.
