Nahot(ki): vergul kerak emas
Nahot va nahotki soʻzlari bilan ham vergul koʻpincha yanglish ishlatiladi. Aslida bu ikki soʻz vergul talab qilmaydi.
Nahot(ki) soʻroq, taajjub, shubha maʼnolarini bildiradi:
Nahot oʻgʻlimga oʻshandoq qattiqlikni ravo koʻrsam!
A. Qahhor, “Qoʻshchinor chiroqlari”.
Nahotki yetuklikning timsoli yoʻq bus-butun?
A. Oripov, “Yurtim shamoli”.
📌 Demak,
Nahot shuni tushunmasang? Nahotki aytmagan boʻlsa? ✅
Nahot, shuni tushunmasang? Nahotki, aytmagan boʻlsa? ❌
Orif Tolib
Muallif haqida
Orif Tolib – bir necha kitoblar, ilmiy, ilmiy-ommabop, adabiy-tahliliy va publitsistik maqolalar muallifi, muharrir, tilshunos. Daryo.uz nashri kolumnisti. “Ibrat farzandlari” loyihasining oʻzbek tilidan savodxonlik darslari ustozi. Oʻzbekiston yozuvchilar uyushmasi aʼzosi.
