Bahs
Yaxshi qiz uzoqqa tushmasmish hecham
Mahalla-koʻyidan, ota uyidan.
Balki unga farqi yoʻqligi uchun
Uch kun oldin xabar topar toʻyidan.
Odamning oʻziga bogʻliq bu narsa,
Yaxshi qiz, maylimi bir sirni aytsam:
Agar qoʻyib bersa, sal anqov boʻlsa,
Mahalladan ortmas yaxshi yigit ham.
Orif Tolib
2011
Muallif haqida
Orif Tolib – bir necha kitoblar, ilmiy, ilmiy-ommabop, adabiy-tahliliy va publitsistik maqolalar muallifi, muharrir, tilshunos. Daryo.uz nashri kolumnisti. “Ibrat farzandlari” loyihasining oʻzbek tilidan savodxonlik darslari ustozi. Oʻzbekiston yozuvchilar uyushmasi aʼzosi.
