“Bolalik doʻstlarim – qadrdon, tengqur…”
Rasul Hamzatov
***
Bolalik doʻstlarim – qadrdon, tengqur,
Yashab qolganlari, afsus, juda kam.
Balki men ulardan nishona – yodgor,
Balki shuning uchun tirikman bu dam.
Janglarda jon bergan, manguga ketgan,
Hayotni yurakdan sevgan ey mardlar!
To tirik ekanman sizni eslayman,
Siz haqda soʻylayman oʻlgunga qadar!
Rus tilidan
Orif Tolib
tarjimasi
Muallif haqida
Orif Tolib – bir necha kitoblar, ilmiy, badiiy va publitsistik maqolalar muallifi, muharrir, tilshunos. Daryo.uz nashri kolumnisti. “Ibrat farzandlari” loyihasining oʻzbek tilidan savodxonlik darslari ustozi. Oʻzbekiston yozuvchilar uyushmasi aʼzosi.
