“Dorilamon” nima degani?

 Dorilamon soʻzi arabchadan kirgan, asliyatda osoyishtalik uyi degan maʼnoni anglatadi. Oʻzbekchada tinchlik, xotirjamlik, osoyishtalikni bildiradi:

 

Samarqandda inqilob boʻlganmish. Dorilamon deyishadi, shu rostmi?

Sh. Toshmatov, “Erk qushi”.

 

Onaginam!

Dorilamon kunlar keldi, shafaqlari ol.

H. Xudoyberdiyeva, “Dorilomon kunlar keldi…”

 

Etimologik lugʻat soʻzning maʼnosi va qoʻllanishiga boshqacharoq yondashgan: “oʻzbek tilida bu soʻz xavfsiz, osoyishta maʼnosini anglatadi. Yaʼni sifat. Izohli lugʻatda bu soʻzning ikkinchi boʻgʻinidagi unli i deb notoʻgʻri yozilgan, maʼnosi ham ot sifatida taʼriflangan”.

Keyingi nashrlarda u li variant ham izohli lugʻatga kiritilgan: dorulamon.

 

📌  Demak:

Dorilamon, dorulamon ✅

Dorilomon, dorulomon ❌

 

Orif Tolib