Koʻpincha: vergul kerakmi yoki yoʻq?

Koʻpincha soʻzidan keyin vergul ishlatish uchrab turadi. Aslida vergul kerak emas. Chunki u ravish, ravishlar esa vergul talab qilmaydi.

Koʻpincha soʻzi oʻzbek tilida ikki xil maʼnoda qoʻllanadi:

 1️⃣ Koʻp hollarda, koʻp vaqt; aksariyat.

Achchiq bodomdan koʻpincha xushboʻy efir moyi olinib, bu kosmetika sanoatida keng koʻlamda qoʻllanmoqda.

Gazetadan.

 

2️⃣ Tez-tez, koʻp oʻtmay.

Yodingizda bormi, koʻpincha chaqchaygan koʻzli bir yigit ishxonamizga uni soʻrab borar edi?

A. Qodiriy, “Oʻtgan kunlar”.

 

🟢 Demak, har ikki maʼnosida ham koʻpincha soʻzi bilan vergul ishlatmaymiz.