Lev Tolstoy qoidalari

Buyuk yozuvchi Lev Tolstoy 22 yoshida
oʻzi uchun hayotiy tartib-qoidalar tuzadi va unga butun umr amal qiladi. Iroda, faollik, xotira va aqliy qobiliyatni rivojlantiradigan bu yoʻriqlar sizu bizga ham katta foyda berishi aniq.

Har qanday jismoniy mashaqqatga chida, qiynalganingni boshqalarga bildirma.
Har kun zaifroq biladigan tilingda sheʼr yodla.
Qoʻlingdagi mulkning oʻndan birini ehson qil.
Oʻn barobar boyib ketsang-da, hayot tarzingni oʻzgartirma.
Har qanday narsaga har tomonlama nazar sol – foydasini ham, zararini ham koʻr.
Oʻzing bilmagan yoki yoqtirmaydigan odamlarning maqtovini olishga urinma.
Har tong kunlik reja tuz va uni albatta bajar.
Boshqalarning fikrini oʻylab oʻtirgandan koʻra oʻz ustingda koʻproq ishla.
Shuhrat uchun sarf-xarajat qilma.
Oʻzing uchun iloji boricha koʻp mashgʻulot oʻylab top.
Bir oʻzing yakunlashing mumkin boʻlgan ishga yordamchi talab qilma.
Hech qachon hissiyotlaringni oshkor qilma.
Yaqin kishingni oʻzingday yaxshi koʻr, ikki yaqin kishingni esa oʻzingdan ham koʻproq yaxshi koʻr.
Yaxshilik qilishga imkon izla.
Yaxshi boʻl va sening yaxshi ekaningni hech kim bilmasligiga intil.
Har tun kunduzi oʻrganganlaringni takrorla.
Ortiqcha narsangni oʻzing uchun emas, jamiyat uchun ishlat.
Hammani birday yaxshi koʻr, bu muhabbatdan oʻzing ham chetda qolma.
Elning muhabbati uchun mayda tuygʻulardan voz kech.
Boshqa odamlarning hamisha yaxshi tomonini izla, yomon tomonini emas.
Sharoit qancha yomon boʻlsa, harakatni shuncha kuchaytir.
Bor narsalarga qanoat qil.
Biror ishni boshlasang, oxiriga yetkazmay tashlab ketma.
Yaqinlaringning hayoti shirin boʻlishiga hissa qoʻsh.