Maʼnaviyat yuksalmagan joyda buyuk odam boʻlmaydi

Romen Rollan hikmatlaridan

Agar birgina soʻz bilan odamni baxtiyor qilish mumkin boʻlsa, bu soʻzni aytmaslik uchun qanchalar razil boʻlish kerak!
Adolatsizlikning oxiri yoʻq: birini toʻgʻrilab, boshqasiga imkon tugʻdirishing mumkin.
Asov tanasini boʻysundira olgan irodadan koʻra havasni keltiradigan narsa yoʻq.
Vijdon – eʼtiqodning hissiy qorovulidir.
Doʻstlar orasidagi tushunmovchilik ular orasiga uchinchi odam tushmagunicha u qadar kuchli boʻlmaydi.
Yolgʻon qarshi qaratilgan odamdan oldin uning egasini halok qiladi.
Ikkiyuzlamachi – hamisha qul.
Insonning eng birinchi burchi aslidagiday boʻlishi, “bu – yaxshi, bu – yomon” degan gapni mardona ayta
olishidir.
Kechirish jazolashdan koʻra koʻproq jasorat talab etadi.
Kun vayron qilganni tiklash uchun asr kerak.
Qahramon imkoni bor ishni bajaradi, boshqalar esa – yoʻq.
Maʼnaviyat yuksalmagan joyda buyuk odam boʻlmaydi.
Salomatlik ham kasallik kabi yuqumlidir.
Sanʼat oʻz davri intilishlariga hamohang boʻladi.
Sanʼatning birinchi qonuni: agar aytadigan gaping boʻlmasa, sukut qil; aytadigan gaping boʻlsa, yolgʻon aralashtirmay gapir.
Sogʻlom boʻlishni istagan odam birinchi galda yon-atrofidagi havoni tozalashi kerak.
Fikrni oʻldiradiganlar uch karra qotildir.
Hayotga muhabbat oʻlim qoʻrquvidan ayro emas.
Haqiqiy magʻlubiyat, oʻnglanmaydigan yagona magʻlubiyatni – dushmandan emas, oʻzingdan topasan.
Har bir jasoratli, har bir adolatli shaxs Vatanga shon-sharaf olib keladi.
Hasadgoʻylar – oʻta yuraksiz kishilardir. Oyogʻini bosib olganingizda ham yuzingizga kulib qarab turaverishadi.
Chegarasiz tuman boʻlmaydi. Muhimi – sabot va olgʻa yurish.
Sheʼriyat – qofiyadosh soʻzlarning shaqir-shuquri bilan emas, keng miqyosni egallaydigan, inson koʻzidan koʻra chuqurroq va uzoqroqni koʻra oladigan ruhiyati bilan sheʼriyatdir.