Uzilgan tor simlari misol…
Uzilgan tor simlari misol
Shart burilib, ortga ketgaymiz.
Bari tamom, yoʻqdir ishq, visol,
Boshqa-boshqa yoʻlni tutgaymiz.
Bir hol sabab muzladi tuygʻu,
Bir hol sabab ishq topdi zavol:
Sen koʻplarga yoqasan va bu
Senga juda yoqadi, dildor.
Orif Tolib
2014
Muallif haqida
Orif Tolib – bir necha kitoblar, ilmiy, badiiy va publitsistik maqolalar muallifi, muharrir, tilshunos. Daryo.uz nashri kolumnisti. “Ibrat farzandlari” loyihasining oʻzbek tilidan savodxonlik darslari ustozi. Oʻzbekiston yozuvchilar uyushmasi aʼzosi.
