Agar iloji boʻlganida…
Mashhur faylasuf Diogen faqirlikda kun kechirardi. Oʻta ziqnaligi va rahmsizligi bilan tanilgan bir kishi bir kuni unga dedi:
– Qani, bir urinib koʻr-chi, balki meni sadaqa berishga koʻndirarsan.
Faylasuf bu “iltifotli” gapga shunday javob qaytardi:
– Agar seni biror-narsaga rozi qilishning iloji boʻlganida, oʻzingni osishingga koʻndirgan boʻlardim.
Orif Tolib
tayyorladi.
“Yoshlik” jurnalining 2017-yil 5-sonida chop etilgan.
Muallif haqida
Orif Tolib – bir necha kitoblar, ilmiy, ilmiy-ommabop, adabiy-tahliliy va publitsistik maqolalar muallifi, muharrir, tilshunos. Daryo.uz nashri kolumnisti. “Ibrat farzandlari” loyihasining oʻzbek tilidan savodxonlik darslari ustozi. Oʻzbekiston yozuvchilar uyushmasi aʼzosi.
