Kun soʻzi: xotira

Xotira arab tilidan kirgan, asliyatda fikr, tafakkur; gʻoya; xayol kabi maʼnolarni anglatadi. Oʻzbek tilida quyidagi maʼnolarda qoʻllanadi:

 

1 Esda
saqlash, eslab qolish, esga tushirish qobiliyati; es, yod;  xayol.

 

Xotirasi kuchli odam. 

 

Ziyoda tiyrak qora koʻzlari bilan kuldi va shu qiyofada Zargarovning xotirasiga oʻrnashib qoldi. A. Muxtor, Boʻronlarda bordek halovat.

 

2 Biror kimsa yoki narsa haqidagi yodda, esda saqlangan taassurot.

 

Sayohat xotiralari. 

 

U [Mansur] Bogʻishamol nafasini, oʻtmish soʻqmoqlarida qolgan bebaho bolalikning aziz xotiralarini olib kelgan bu yigitga havas bilan qarar edi.

Oʻ. Hoshimov, Qalbingga quloq sol.

 

3 Esdalik, yodgorlik.

 

Bu mendan sizga xotira.

 

[Chaqaloqning] Otini Shavkat qoʻyaman! Shavkat! Shavkatli kunlarimdan xotira boʻlsin! – derdi [Alimardon].

Oʻ. Hoshimov, Bahor qaytmaydi.

 

Xotira va qadrlash kuni haqida gap ketganda soʻzning yuqorida koʻrsatilgan ikkinchi maʼnosi anglashiladi.