Nafsilamrini aytganda: “nafsilamr” nima?

Nafsilamr arab tilidan kirgan. Asosan badiiy asarlarda uchraydi. Oʻzbek tilida ikki xil maʼnoda qoʻllanadi:

 

1️⃣ Haqiqatga mos; toʻgʻri, rost.

 

– Uni qarang, nafsilamrini aytganda, ota-bobomizning zamonida ham bunaqangi paxtani hech kim koʻrmagan, – dedi Shermat.

H. Nuʼmon, “Fasllar”.

 

2️⃣ Kirish soʻz boʻlib kelganda: haqiqatda, haqiqatan ham.

 

– Nafsilamr, gapingiz juda toʻgʻri… – dedi Yoʻlchi.

Oybek, “Tanlangan asarlar”.

 

Soʻzlashuv uslubida nafsambir shaklida ham ishlatiladi:

 

Boshdan oyoq yangidan ish boshlagan kolxoz yoshlarining bu gʻayrati, nafsambirga, hayratda qolarli edi.

M. Joʻra, “Quyoshdan nur emganlar”.