“Tashqarida yomgʻir…”
Rasul Hamzatov
***
Tashqarida yomgʻir. Tuman oʻrmalar,
Tomchilar darchamga urilar bir-bir.
Olis oʻngirlaru yaqin kulbalar –
Barini erinmay yuvadi yomgʻir.
Atrofga yoyilgan qalin bir parda,
Na yaqin, na yiroq koʻrinar ayon.
Koʻzimni yumaman. Xayolda birdan
Yashab oʻtgan umrim boʻlar namoyon.
Rus tilidan
Orif Tolib
tarjimasi
Muallif haqida
Orif Tolib – bir necha kitoblar, ilmiy, ilmiy-ommabop, adabiy-tahliliy va publitsistik maqolalar muallifi, muharrir, tilshunos. Daryo.uz nashri kolumnisti. “Ibrat farzandlari” loyihasining oʻzbek tilidan savodxonlik darslari ustozi. Oʻzbekiston yozuvchilar uyushmasi aʼzosi.
