Yaxshi gaplarni koʻpchilik gapirishi mumkin…

Rabindranath Thakur hikmatlaridan

Agar sen barcha ishtibohlarga eshigingni berkitsang, haqiqat ham tashqarida qoladi.
Baxt oʻzini tiya oladigan odamlarga nasib etadi. Orzularing amalga oshishini istasang, ularni tiyib tura bil.
Biz odamni nimani bilishiga qarab emas, nimadan quvonishiga qarab anglaymiz.
Vijdonimizning ovozini eshitmaslik uchun shovqinli olomon ichiga oʻzimizni uramiz.
Iztirob hayotdagi barcha qadrli narsalar: kuch-quvvat, aql-farosat, muhabbat uchun toʻlovdir.
Kuchini koʻrsataveradigan odam kuchsizligini isbotlaydi, xolos.
Qurigan daryoga oʻtmishi sabab rahmat aytmaydilar.
Maqtov meni pastga uradi, chunki uni ichimda oʻzim soʻrab turaman.
Mast oʻzini qanchalik baxtiyor his etmasin, u haqiqiy baxtdan juda uzoq. Chunki uning bu baxti boshqalar uchun koʻrgilik; bugungi baxti ertangi baxtsizligidir.
Muhabbatning haqiqiy goʻzalligini faqat sadoqatli ayolgina his qiladi.
Odam hayvonga aylanganda hayvondan yomondir.
Pessimizm qalb alkogolizmining bir koʻrinishidir.
Rohat-farogʻatlarga koʻmilib, lazzat hissidan mosuvo boʻlamiz.
Ruhingni tushirma, niyatingdan qaytma. Doʻstim, sening yoʻling bitta: oʻzingni takomillashtir va begonaga xizmat qilma. Muhokamalaru toʻsiqlardan choʻchima.
Hamma haqiqatni aytishga chogʻlanmagan paytingda samimiy boʻlish oson.
Hatto qaroqchilar toʻdasi ham qandaydir axloq talablariga rioya etishlari kerak; ular butun dunyoni talashlari mumkin, lekin bir-birlarini emas.
Cheksiz umid va ishtiyoq yoshlikning asosiy boyligidir.
Shunchaki qarab yoki turib dengizni kesib oʻta olmaysiz. Behuda istaklarga vaqtingizni sarflamang.
Er-xotinlik – sanʼat va uni har kuni yangilab turish kerak.
Yulduzlar oʻzlarini tillaqoʻngʻiz deb oʻylashlaridan qoʻrqmaydi.
Yaxshi gaplarni koʻpchilik gapirishi mumkin, lekin tinglay oladiganlar kam, sababi u aqlning kuchini talab etadi.