Bolqor xalq maqollari va matallaridan

Bolqorlar – turkiy xalq. Asosan Shimoliy Kavkazda – Rossiyaning Kabarda-Bolqor, Qorachoy-Cherkes Respublikalari, Stavropol oʻlkasi va Moskva shahrida, shuningdek Qozogʻiston, Qirgʻiziston, AQSH, Ukraina, Oʻzbekiston va boshqa mamlakatlarda yashaydi. Qorachoy-bolqor tilida soʻzlashadi. Umumiy adadi – 130 ming atrofida.

 

• Aql sabr beradi.
• Allohdan qoʻrqmagan odamdan uyalmas.
• Ahmoq bilan olishgan ham ahmoq.
• Yomon odam boyisa, qoʻshnisini sigʻdirmas.
• Yomon odamda olgiliging boʻlguncha, yaxshi odamga bergiliging boʻlsin.
• It iskagan suvni arslon ichmas.
• Qargʻa gʻoqillab gʻoz boʻlmas, qari qiypanglab qiz boʻlmas.
• Odamlar hurmatingni qilmasa, oʻzingdan koʻngling qolsin.
• Odamni yoʻgʻida soʻkma, borida maqtama.
• Oz soʻzlaganning qaygʻusi kam boʻladi.
• Ontin buzgan ontga ishonmas.
• Ota yurtimning boshi boʻlmasam-da, boʻsagʻasining toshi boʻlayin.
• Sergap odam bir soatda bir oylik xato qiladi.
• Tili uzunning uyati qisqa.
• Uyim degan uyi boʻyli toshni ham koʻtaradi.
• Umid togʻ tepasiga chiqaradi.
• Oʻt oʻchirish uchun toza suv izlamaydilar.
• Xotin olmoqchi boʻlsang, uylanmaganning soʻziga quloq tutma.
• Chaqirilmagan qoʻnoq qachon ketishini soʻramaydi.
• Er – soʻziga ega kishidir.
• Yurak koʻrmasa, koʻz ham koʻrmaydi.

 

Bolqor tilidan Orif Tolib oʻzbekchalashtirdi.