Napoleon “lotereya”si
Napoleon Bonapart hukmronligi davrida 5 franklik tangalar ham muomalaga kiritiladi. Tanganing hajmi sezilarli darajada katta boʻlgani uchun odamlar undan foydalanmaslikni maʼqul koʻradi. Natijada uyum-uyum pullar banklar gʻaznasida toʻplanib qoladi.
Vaziyatdan chiqish uchun imperator 5 frankli tangalardan biriga shaxsan oʻzining qoʻli bilan yozilgan 5 million frankli chek joylab qoʻyilgani, topgan kishi uni Fransiya davlat bankida istagan vaqtida naqdlashtirib olishi mumkinligi haqida eʼlon beradi. Koʻz ochib-yumguncha bankdagi 5 frankli tangalar muomalaga kirib ketadi. Biroq Napoleon qoʻli bilan yozilgan chekni topib, 5 million frankka ega boʻlish baxti bugungacha hech kimga nasib etgani yoʻq.
Orif Tolib
tayyorladi.
“Yoshlik” jurnalining 2017-yil 4-sonida chop etilgan.
Muallif haqida
Orif Tolib – bir necha kitoblar, ilmiy, ilmiy-ommabop, adabiy-tahliliy va publitsistik maqolalar muallifi, muharrir, tilshunos. Daryo.uz nashri kolumnisti. “Ibrat farzandlari” loyihasining oʻzbek tilidan savodxonlik darslari ustozi. Oʻzbekiston yozuvchilar uyushmasi aʼzosi.
