Oʻqlogʻi, oʻqloq, oʻqlov
Oʻqlogʻi soʻzi oshxamir yoyish uchun ishlatiladigan uzun silliq tayoqchani anglatadi:
Men bu boqqa faqat bir kinnachi sifatida kirgan edimki, buzoq yoʻqotgan egachim oʻqlogʻi koʻtarib qarshiladi.
A. Qodiriy, “Kichik asarlar”.
Bu soʻzning oʻqloq va oʻqlov shakllari ham bor:
Ovozi xastalangan, oriqlab, qoʻl tomirlari oʻqloqday irgʻigan edi.
H. Nazir, “Suv gadosi – oqpadar”.
– Oyim qoʻlidagi xamir yoyib oʻtirgan oʻqlov bilan boshimga astagina urdi, – dedi Shum bola.
Gʻ. Gʻulom, “Shum bola”.
📌 Demak:
Oʻqlogʻi, oʻqloq, oʻqlov ✅
Muallif haqida
Orif Tolib – bir necha kitoblar, ilmiy, badiiy va publitsistik maqolalar muallifi, muharrir, tilshunos. Daryo.uz nashri kolumnisti. “Ibrat farzandlari” loyihasining oʻzbek tilidan savodxonlik darslari ustozi. Oʻzbekiston yozuvchilar uyushmasi aʼzosi.
