Xurmo
Bu soʻz eski oʻzbek tiliga fors-tojik tilidan oʻzlashgan. Oʻrxun-Enasoy yozma manbalarida, Mahmud Koshgʻariy lugʻatida uchramaydi. Zamaxshariy lugʻatida xurma, Alisher Navoiy asarlarida xurmo shaklida uchraydi.
Xurmo soʻzining etimoni ham fors-tojik tilida mevalarning umumnomi vazifasida qoʻllanuvchi soʻz – oluga borib taqaladi.
Taxminlarga koʻra, bu soʻz xurmalu > xur + m(a) + alu > xar + lol(u) + olu kabi bosqichlarda boʻlgan. Xar+olu birikmasidan hosil boʻlgan xurmo soʻzi xar – katta, ulkan, olu – meva, yaʼni katta, ulkan meva degan maʼnoni anglatadi.
“Koʻhna soʻzlar tarixi” kitobi asosida
Muallif haqida
Orif Tolib – bir necha kitoblar, ilmiy, ilmiy-ommabop, badiiy va publitsistik maqolalar muallifi, muharrir, tilshunos. Daryo.uz nashri kolumnisti. “Ibrat farzandlari” loyihasining oʻzbek tilidan savodxonlik darslari ustozi. Oʻzbekiston yozuvchilar uyushmasi aʼzosi.
