Iftor
Bu soʻz arabcha roʻza tutishni toʻxtatdi maʼnosidagi fatara feʼlidan yasalgan. Asliyatda roʻza tutishni toʻxtatish, nonushta qilish maʼnolarini anglatadi. Oʻzbek tilida quyidagi maʼnolarda qoʻllanadi:
1️⃣ Roʻza kunlari shom paytida oʻtkaziladigan roʻzani ochish, ogʻiz ochish marosimi; ogʻiz ochib ovqatlanish.
Iftor qilmoq. Iftorga oʻtirmoq.
Tohir keksa ota-onasi bilan iftor qilmoqda edi.
P. Qodirov, Yulduzli tunlar.
2️⃣ Iftor vaqtida beriladigan ziyofat, mehmondorchilik.
Komiljon qarindosh-urugʻlarini
yigʻib, iftor qilib berdi.
Muallif haqida
Orif Tolib – bir necha kitoblar, ilmiy, badiiy va publitsistik maqolalar muallifi, muharrir, tilshunos. Daryo.uz nashri kolumnisti. “Ibrat farzandlari” loyihasining oʻzbek tilidan savodxonlik darslari ustozi. Oʻzbekiston yozuvchilar uyushmasi aʼzosi.
